Author name: Elishama Hubi

Kuna nyakati katika maisha ambapo kila kitu kinavunjika taratibu — mipango haifanyi kazi, watu unaowaamini wanakutia majeraha, na ndoto zako zinaanza kufifia.Lakini cha ajabu ni kwamba bado unaendelea kusimama.Unapumua. Unatembea. Unatafuta sababu ya kuendelea kuamini.Hiyo ndiyo nguvu ya kitu usichokiona — nguvu ya ndani. Kisaikolojia, binadamu hujenga usalama kwenye vitu vinavyoonekana: kazi, pesa, au watu.Lakini falsafa ya maisha inatufundisha kwamba nguvu halisi huanza pale unapopoteza msaada wa nje.Ni pale unapokosa mwanga nje, ndipo macho yako ya ndani huanza kuona. Nguvu ya kweli si kelele, ni utulivu unaokuambia “bado unaweza.”Si kujionesha, ni uwezo wa kustahimili kimya kimya.Ni kukubali kwamba huna kila kitu, lakini bado haujapoteza kila kitu. Watu wenye akili ya kina hawatafuti utulivu katika mazingira — wanauunda ndani yao.Hapo ndipo mtu anapogeuka kuwa msanii wa maisha yake mwenyewe; akitumia maumivu kama rangi, changamoto kama brashi, na matumaini kama mwanga unaotengeneza picha mpya ya uhai. Kwa hiyo leo, acha kutegemea nguvu za nje.Tulia, pumua, na tafuta nguvu ya kile usichokiona —imani, hekima, na utulivu wako wa ndani.

Katika maisha yetu ya kila siku, tunakabiliana na hofu, mashaka na hali zisizotabirika. Tunategemea mambo fulani ili kutupa usalama: kazi zetu, mali tulizonazo, hata mahusiano yetu. Lakini ujumbe uliopo kwenye picha ya ndege anayekaa juu ya tawi unatufundisha falsafa kubwa ya maisha: “Ndege anayekaa kwenye mti haogopi tawi likivunjika, kwa sababu imani yake haipo kwenye tawi bali ipo kwenye mabawa yake.” Hii ni picha ya kisaikolojia yenye nguvu kubwa. Mara nyingi sisi binadamu tunaweka imani zetu kwenye “matawi” ya maisha—ajira, mitaji, urafiki, au hata heshima kutoka kwa wengine. Lakini ukweli wa maisha ni kwamba, haya yote yanaweza kubadilika ghafla. Tawi linaweza kuvunjika. Falsafa ya Ujasiri wa Ndani Falsafa ya kale ya Kigiriki na hata hekima ya Mashariki zilitufundisha kuwa chanzo cha usalama wa kweli hakipo nje yetu, bali ndani yetu. Hii picha inatufundisha kuwa nguvu halisi ya maisha ipo katika mabawa tuliyopewa—yaani vipaji vyetu, maarifa yetu, imani yetu, na uwezo wetu wa kupambana na changamoto. Ndege hajali kama tawi linaweza kuvunjika, kwa sababu anajua ana mbawa. Vivyo hivyo, binadamu anayejua uwezo wake wa ndani hawezi kutishwa na kupotea kwa nguzo za nje. Saikolojia ya Kujiamini Kisaikolojia, ujasiri na kujiamini hutokana na uwezo wa mtu kutambua na kuthamini nguvu zake za ndani. Mtu anayejua kuwa ana “mbawa” za maarifa, tabia njema, imani thabiti na marafiki wa kweli, atakabiliana na maisha kwa amani. Hofu ya kushindwa mara nyingi hutokana na kuamini kuwa usalama wetu uko mikononi mwa mazingira. Lakini tukijua kuwa tunaweza kujitegemea, tunapata amani ya ndani na utulivu. Funzo kwa Maisha Yetu Usiweke imani yako yote kwenye vitu vya nje: Kazi inaweza kupotea, biashara inaweza kuyumba, lakini ujuzi na bidii yako vitabaki nawe. Kumbuka mbawa zako: Talanta zako, maarifa yako, na imani yako ni nguvu kuu ambazo haziwezi kuchukuliwa na mtu yeyote. Usiogope mabadiliko: Kama tawi likivunjika, ruka kwa mbawa zako. Maisha ni safari ya kuruka kutoka tawi moja hadi jingine, lakini mbawa ndizo hukubeba kila mara. Ujumbe huu unatufundisha kwamba chanzo cha amani na ujasiri siyo mazingira ya nje, bali ni imani tuliyonayo ndani yetu. Ndege anatufundisha hekima ya kuamini mbawa zako mwenyewe badala ya kutegemea tawi. Kwa hiyo, jiulize leo: Je, unategemea matawi au unategemea mbawa zako? Kwa maisha yenye maana, jifunze kutegemea nguvu zako za ndani. Kila mmoja wetu amepewa mbawa za kipekee. Ni wakati wa kuziruhusu ziruke.

Dunia imempoteza gwiji mkubwa wa sayansi na mazingira. Dr. Jane Goodall, mtafiti mashuhuri wa sokwe na mtetezi wa wanyama, amefariki dunia akiwa na umri wa miaka 91 kutokana na sababu za kiasili, kwa mujibu wa taarifa ya Taasisi ya Jane Goodall iliyotolewa Jumatano.Dr. Jane Goodall atakumbukwa si tu kwa utafiti wake wa kina kuhusu tabia na maisha ya sokwe, bali pia kwa mchango wake mkubwa katika kulinda mazingira na kutetea haki za wanyama. Utafiti wake uliobadilisha mtazamo wa dunia ulionyesha kuwa sokwe wana hisia, utamaduni, na uwezo wa kutumia zana—sifa ambazo hapo awali ziliaminika kuwa ni za kipekee kwa binadamu.Mbali na utafiti, Dr. Goodall alitumia maisha yake kuhamasisha vizazi vipya kutunza mazingira na kuheshimu viumbe vyote. Kauli yake maarufu inatufundisha:“Every day we live on this planet, we make some impact.”Kila siku tunayoishi duniani, tunafanya athari fulani.Swali kubwa ambalo anatupatia ni: Je, athari hiyo ni ya kujenga au kubomoa?Leo, tunapomkumbuka Dr. Goodall, tunakumbushwa pia jukumu letu kwa dunia hii. Tuna nafasi ya kuchagua kuishi kwa namna inayoheshimu uhai na kuacha alama ya matumaini kwa vizazi vijavyo.Urithi wa Jane Goodall utaendelea kuishi kupitia taasisi yake, tafiti zake, na harakati zake. Amani iwe kwake, na motisha yake ibaki kuwa mwongozo kwetu sote. 🌿“Leo chukua dakika chache utafakari: ni athari gani ndogo au kubwa unazoziacha kila siku kwenye dunia hii?

Mara nyingi tunajitambulisha kama “watu wa ndani (introverts)” kwa sababu tunapenda kuwa peke yetu. Lakini ukweli ni kwamba, si kila anayependa upweke ni introvert. Wengine wanapenda upweke kwa sababu humo ndiko wanakopata amani ya ndani. Quote ya leo inatufundisha: “Unadhani wewe ni mtu wa ndani kwa sababu unapenda kuwa peke yako.Lakini kwa uhalisia unapenda kuwa na amani.Na ukweli ni kwamba wewe ni mchangamfu unapokuwa na watu wanaokuletea amani.” Hii inatufunza kuwa utu wetu wa kijamii unategemea mazingira na watu tunaoshirikiana nao. Si kwamba tunachukia watu, bali tunachagua wale wanaoongeza thamani, furaha na utulivu kwenye maisha yetu. Kisaikolojia, hii ni kanuni ya msingi ya mahusiano ya kibinadamu: Tunachanua zaidi tunapokuwa karibu na watu tunaohisi usalama na amani. Changamoto ya Leo:Je, wewe hujisikiaje unapokuwa na watu wanaokuletea amani? Na ni akina nani hao katika maisha yako? Mwisho:Chagua kuwa karibu na watu wanaoleta amani, si vurugu. Utajikuta wewe mwenyewe ukiwa wa furaha na mchangamfu zaidi. 🌿

Akili ya mwanadamu ni eneo lenye nguvu sana. Kila siku tunapanda mbegu za mawazo—wengine bila kujua. Mbegu hizi ndizo zinazoamua maisha yetu ya kiakili, kihisia na hata kimwili. Quote ya leo inatufundisha: “Akili ya binadamu ni kama bustani; kinachokua humo kinategemea mbegu tunazopanda—fikra chanya huzaa matumaini, fikra hasi huzaa hofu.” Kama vile bustani inavyohitaji kupaliliwa na kumwagiliwa, akili pia inahitaji kulelewa kwa nidhamu. Fikra chanya hutujenga, hutupa nguvu ya kupambana na changamoto na hufungua ubunifu. Lakini tukiacha fikra hasi zikue, hujaza maisha yetu woga, mashaka na kukata tamaa. Hii ni kanuni ya saikolojia na falsafa: Tunachokiwaza mara kwa mara ndicho kinachotengeneza maisha tunayoishi. Changamoto ya Leo:Jiulize: Ni mbegu gani unazipanda kila siku katika akili yako? Je, ni za matumaini au za hofu? Mwisho:Kila mtu ana nafasi ya kuchagua mbegu zake. Chagua kupanda fikra chanya na utavuna maisha yenye matumaini na amani. 🌱✨

Katika maisha yetu ya kila siku, mahusiano ndiyo msingi wa furaha, mshikamano na maendeleo. Tunaishi na kushirikiana na watu mbalimbali—ndugu, marafiki, wenzi wa ndoa, wateja na washirika wa biashara. Lakini swali kubwa ni: ni nini kinachofanya mahusiano yadumu na kuwa yenye afya? Quote ya leo inatukumbusha: “Mahusiano bora hujengwa kwa uaminifu, heshima, na upendo wa kweli.” Uaminifu hutengeneza msingi wa kuaminiana. Heshima hufanya kila mtu ajisikie kuthaminiwa na kusikilizwa. Upendo wa kweli hutupa nguvu ya kuvumiliana na kusaidiana hata katika changamoto. Ikiwa tunataka kuwa na ndoa imara, urafiki wa kudumu, au ushirikiano wa kibiashara unaofanikiwa, tunapaswa kuwekeza katika mambo haya matatu: uaminifu, heshima na upendo wa kweli. Changa Moto ya Leo:Jiulize, ni thamani gani kati ya hizi tatu unayoishi kwa kiwango cha juu zaidi? Na ipi unahitaji kuikuza zaidi? Mwisho:Je, unadhani ni thamani gani kubwa zaidi katika mahusiano yako?Tuandikie maoni yako hapa chini 👇

Hadithi ya Taifa Linaloota na Kuamua Kutenda “Siku zote kuna mataifa yanayolala, mataifa yanayoota, na mataifa yanayoamka na kuandika ndoto zao kwa vitendo. Swali ni: Tanzania ni taifa lipi?” Julai 2025. Jua lilichomoza kama kawaida. Lakini kwa Tanzania, siku hii haikuwa ya kawaida. Haikuwa tu siku ya uzinduzi wa waraka wa serikali—ilikuwa siku ya ahadi mpya, siku ya kusaini ndoto za vizazi vijavyo. Serikali ya Jamhuri ya Muungano wa Tanzania ilizindua rasmi Dira ya Taifa ya Maendeleo 2050.Niliikalia nikisoma. Kadri nilivyoendelea kuipitia, sikuona maandiko—niliona maono.Niliona watoto wa kitanzania wakisoma kupitia kompyuta wakiwa nyumbani vijijini.Niliona miji yenye treni za umeme, viwanda vinavyotumia nishati mbadala, na wakulima wakiwasiliana moja kwa moja na soko la dunia kupitia app zao za simu. Dira hii si ya watawala tu. Si ya ofisi za waziri. Ni yako. Ni yangu. Ni yetu.Ikiwa tutaisoma, tutaielewa, na zaidi ya yote—tutaichukua kama fursa—basi Tanzania inaweza kuwa miongoni mwa mataifa yenye ushawishi mkubwa barani Afrika ifikapo 2050. Tanzania Tunayoitaka: Kwa Macho ya 2050 Hebu tazama taswira hii: Barabara kuu za umeme (electric highways) zikivuka nchi nzima. Kila kijiji kina kituo cha afya chenye vifaa vya kisasa. Vijana wa Kitanzania wanauza huduma za ubunifu (design, coding, uandishi, muziki) kwa dola kupitia majukwaa ya kimataifa. Wakulima hawahangaiki na madalali—wana masoko ya moja kwa moja kupitia blockchain. Wasichana wanamaliza shule bila vikwazo vya kiutamaduni wala kiuchumi. Vyuo vinatoa maarifa halisi, siyo nadharia tupu. Viongozi wanawajibika. Sheria inatenda haki. Na kila raia anajua haki zake. Hii si ndoto ya kufikirika.Hii ni picha ya Dira ya 2050—na bado, inaweza kuzidi hapo kama kizazi cha leo kitaamka. Fursa Ndani ya Dira 2050: Usizipuuzie Dira imeeleza maeneo 3 ya kimkakati: Uchumi Imara na Shindani Rasilimali Watu na Maendeleo ya Jamii Ulinzi wa Mazingira na Mabadiliko ya Tabianchi Kila eneo lina milango ya fursa kwa wale wenye ujasiri wa kufungua. 1. TEHAMA, Ubunifu na Digital Economy Tanzania inalenga kuwa taifa la watu waliounganishwa – kimawasiliano na kimaendeleo.Kwa wanaojua kuandika, kubuni, kufundisha au kutengeneza kitu mtandaoni—hii ni dhahabu. Fursa: Kutoa mafunzo ya kidijitali Kuuza eBooks, kozi, audio, graphics Kujenga platforms za kielimu, huduma au biashara Kufundisha watu kutumia TEHAMA Kutengeneza apps za kutatua changamoto za jamii 2. Kilimo chenye Akili, si Jasho Pekee Dira 2050 inahama kutoka kilimo cha mkono kwenda kilimo cha maarifa.Wakulima watatumia drones, sensors, GPS na AI. Hii ina maana kuna fursa kwa wale watakaowafundisha, kuwapa vifaa, au kuwasaidia kuongeza thamani ya mazao. Fursa: Ushauri wa kilimo biashara Usindikaji wa bidhaa za chakula App za kufuatilia mavuno, hali ya hewa, masoko Uboreshaji wa mbegu na udongo Kuunganisha wakulima na masoko ya moja kwa moja 3. Viwanda Vidogo na Kati Dira inalenga mabadiliko ya uzalishaji ndani kwa ndani: kuchakata pamba kuwa vitambaa, kusindika matunda kuwa juisi, na kutumia misitu kutengeneza samani. Fursa: Kuanzisha kiwanda kidogo cha familia Kufundisha ujuzi wa useremala, ushonaji, uchomeleaji, nk Kuuza mashine ndogo au kuziagiza Ubunifu wa packaging, branding, na usambazaji 4. Elimu ya Ujuzi na Maisha Dira inatambua kuwa taifa haliwezi kuongozwa na vyeti bali na watu waliopikwa kwa maarifa halisi, ujuzi, na maadili. Fursa: Kutoa kozi za online/offline kuhusu ujasiriamali, fedha, afya, malezi, elimu ya uraia Kuandika vitabu vya kuelimisha jamii Kuwalenga wasio na elimu rasmi kwa mbinu rahisi na ubunifu 5. Mazingira na Tabianchi Kadri mabadiliko ya tabianchi yanavyoathiri taifa letu, ndivyo sera mpya zinavyoweka kipaumbele kwenye biashara na miradi rafiki kwa mazingira. Fursa: Kutengeneza sabuni na bidhaa za usafi wa kijani Miradi ya utunzaji wa vyanzo vya maji, kupanda miti Kampuni za kusimamia taka (waste management) Kufundisha shule, makanisa na jamii kuhusu mazingira Pakua Dira 2050 – Uisome Mwenyewe Hii si habari ya kusimuliwa tu. Ni waraka ulio wazi kwa kila Mtanzania kusoma. Pakua hapa:   Pakua kutoka Elishama.org Pakua kutoka ElidasaGroup.com 🙏 Hitimisho: Taifa Halijengwi kwa Kelele Bali kwa Hatua Ndugu yangu,Kama unataka kuacha alama—anza leo.Kama unataka familia yako iishi kwenye Tanzania bora—anza kuchukua nafasi.Kama bado hujui pa kuanzia—anza kwa kuisoma Dira. Usisubiri kuwa kiongozi ili ulete mabadiliko.Anza mabadiliko mahali ulipo.👉 Wewe ni sehemu ya Dira hii.👉 Wewe ni mjumbe wa kizazi cha 2050.   Tanzania inakusubiri.Je, utasubiri hadi lini?